dil se paigham-e-ulfat miTane ke baad

dil se paiġhām-e-ulfat miTāne ke baad

kho diyā phir tujhe ham ne paane ke baad

vo sulagte rahe dil jalāne ke baad

ham to phir hañs paḌe TuuT jaane ke baad

ab to raste bhī apne judā ho ga.e

baat bantī nahīñ choT khāne ke baad

jaa.eñ jaa.eñ hameñ kuchh nahīñ vāsta

dil-lagī na kareñ dil jalāne ke baad

ham ko is se kahāñ koī inkār hai

ghar banā hai makāñ tere jaane ke baad

jāntī huuñ ki us kā hai sheva yahī

vo rulā.egā ham ko hañsāne ke baad

shādmāñ vo nazar aa rahe the bahut

kaifiyat apnī ġham kī chhupā ne ke baad

sochtī huuñ 'shagufta' ajab baat hai

ham ne paayā hai us ko gañvāne ke baad

dil se paigham-e-ulfat miTane ke baad

kho diya phir tujhe hum ne pane ke baad

wo sulagte rahe dil jalane ke baad

hum to phir hans paDe TuT jaane ke baad

ab to raste bhi apne juda ho gae

baat banti nahin choT khane ke baad

jaen jaen hamein kuchh nahin wasta

dil-lagi na karen dil jalane ke baad

hum ko is se kahan koi inkar hai

ghar bana hai makan tere jaane ke baad

jaanti hun ki us ka hai shewa yahi

wo rulaega hum ko hansane ke baad

shadman wo nazar aa rahe the bahut

kaifiyat apni gham ki chhupa ne ke baad

sochti hun 'shagufta' ajab baat hai

hum ne paya hai us ko ganwane ke baad