aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dil se tera KHayal na jae to kya karun

Hafeez Jalandhari

dil se tera KHayal na jae to kya karun

Hafeez Jalandhari

MORE BYHafeez Jalandhari

    dil se tirā ḳhayāl na jaa.e to kyā karūñ

    maiñ kyā karūñ koī na batā.e to kyā karūñ

    ummīd-e-dil-nashīñ sahī duniyā hasīñ sahī

    tere baġhair kuchh bhī na bhaa.e to kyā karūñ

    dil ko ḳhudā yaad tale bhī dabā chukā

    kam-baḳht phir bhī chain na paa.e to kyā karūñ

    din ho ki raat ek mulāqāt hai baat

    itnī baat bhī na ban aa.e to kyā karūñ

    jo kuchh banā diyā hai tire intizār ne!

    ab sochtā huuñ idhar aa.e to kyā karūñ

    dīda-varān-e-but-kada ik mashvara to do

    ka.aba jhalak yahāñ bhī dikhā.e to kyā karūñ

    apnī nafī to falsafī-jī qatl-e-nafs hai

    kahiye koī ye jurm sujhā.e to kyā karūñ

    ye haa.e haa.e maz.haka-añgez hai to ho

    dil se uThe zabān jalā.e to kyā karūñ

    maiñ kyā karūñ maiñ kyā karūñ gardān ban ga.ī

    maiñ kyā karūñ koī na batā.e to kyā karūñ

    aḳhbār se mirī ḳhabar-e-marg ai 'hafīz'

    merā dost paḌh ke sunā.e to kyā karūñ

    dil se tera KHayal na jae to kya karun

    main kya karun koi na batae to kya karun

    ummid-e-dil-nashin sahi duniya hasin sahi

    tere baghair kuchh bhi na bhae to kya karun

    dil ko KHuda ki yaad tale bhi daba chuka

    kam-baKHt phir bhi chain na pae to kya karun

    din ho ki raat ek mulaqat ki hai baat

    itni si baat bhi na ban aae to kya karun

    jo kuchh bana diya hai tere intizar ne!

    ab sochta hun tu idhar aae to kya karun

    dida-waran-e-but-kada ek mashwara to do

    kaba jhalak yahan bhi dikhae to kya karun

    apni nafi to falsafi-ji qatl-e-nafs hai

    kahiye koi ye jurm sujhae to kya karun

    ye hae hae mazhaka-angez hai to ho

    dil se uThe zaban jalae to kya karun

    main kya karun main kya karun gardan ban gai

    main kya karun koi na batae to kya karun

    aKHbar se meri KHabar-e-marg ai 'hafiz'

    mera hi dost paDh ke sunae to kya karun

    Source:

    Kulliyat-e-Hafeez Jalandhari (Pg. 700)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now