dil shahr-e-tahayyur hai ki wo mamlikat-ara

dil shahr-e-tahayyur hai ki vo mamlikat-ārā

kyā saltanat-e-balḳh-o-samarqand-o-buḳhārā

mub.ham hai tirī chashm-e-karam dekh to yuuñ dekh

jis tarah lipaT jaa.e sitāre se sitāra

ik chāñd hai āvāra-o-betāb o falak-tāb

ik chāñd hai āsūdgī-e-hijr kā maarā

kuchh darḳhur-e-jāñ hai to yahī kunj-e-mulāqāt

ye ālam-e-ḳhākī na hamārā na tumhārā

zanjīr-e-girāñ-bār hai ye ishrat-e-sāhil

bahtā hai to ruktā hī nahīñ vaqt kā dhārā

juz hasrat-e-be-nām nahīñ gardish-e-ḳhūñ ab

chāñdī jo hue baal milā zabt kā yaarā

dil shahr-e-tahayyur hai ki wo mamlikat-ara

kya saltanat-e-balKH-o-samarqand-o-buKHara

mubham hai teri chashm-e-karam dekh to yun dekh

jis tarah lipaT jae sitare se sitara

ek chand hai aawara-o-betab o falak-tab

ek chand hai aasudgi-e-hijr ka mara

kuchh darKHur-e-jaan hai to yahi kunj-e-mulaqat

ye aalam-e-KHaki na hamara na tumhaara

zanjir-e-giran-bar hai ye ishrat-e-sahil

bahta hai to rukta hi nahin waqt ka dhaara

juz hasrat-e-be-nam nahin gardish-e-KHun ab

chandi jo hue baal mila zabt ka yara