ahl-e-dil jo bhi baat kahte hain

ahl-e-dil jo bhī baat kahte haiñ

koī rāz-e-hayāt kahte haiñ

un ke ġham se hai jāvedāñ varna

ziist ko be-sabāt kahte haiñ

haa.e vo daur-e-ishq jab aañsū

dāstān-e-hayāt kahte haiñ

ḳhvāb-e-ġhaflat meñ jo guzartā hai

ham to us din ko raat kahte haiñ

ishq kī istilāh meñ ġham ko

inqalāb-e-hayāt kahte haiñ

jo bhī haiñ vāqif-e-haqīqat-e-dil

dil ko hī kā.enāt kahte haiñ

lafz-o-ma.anī meñ aa nahīñ saktī

vo nazar se jo baat kahte haiñ

mard-e-haq meñ to mā-sivā ko bhī

partav-e-husn-e-zāt kahte haiñ

muddatoñ ġhaur karnā paḌtā hai

un se jab dil kī baat kahte haiñ

kār-gāh-e-nuqūsh-e-ibrat ko

'kaif' sab kā.enāt kahte haiñ

ahl-e-dil jo bhi baat kahte hain

koi raaz-e-hayat kahte hain

un ke gham se hai jawedan warna

zist ko be-sabaat kahte hain

hae wo daur-e-ishq jab aansu

dastan-e-hayat kahte hain

KHwab-e-ghaflat mein jo guzarta hai

hum to us din ko raat kahte hain

ishq ki istilah mein gham ko

inqalab-e-hayat kahte hain

jo bhi hain waqif-e-haqiqat-e-dil

dil ko hi kaenat kahte hain

lafz-o-mani mein aa nahin sakti

wo nazar se jo baat kahte hain

mard-e-haq mein to ma-siwa ko bhi

partaw-e-husn-e-zat kahte hain

muddaton ghaur karna paDta hai

un se jab dil ki baat kahte hain

kar-gah-e-nuqush-e-ibrat ko

'kaif' sab kaenat kahte hain