dil-shikan andaz dilbar dil-nawazi kya kare

dil-shikan andāz dilbar dil-navāzī kyā kare

but-tarāshī kā hunar ā.īna-sāzī kyā kare

dard-e-dil ke vāste paidā kiyā insān ko

dard-mandī se bashar phir be-niyāzī kyā kare

ḳhūbī-e-jauhar se paatī hai har ik shai imtiyāz

koh ke be-faiz patthar kī farāzī kyā kare

dil meñ zauq-e-vasl-o-yād-e-yār tak baaqī nahīñ

shīsha-e-hasrat meñ koī ruḳh-tarāzī kyā kare

dil-shikan andaz dilbar dil-nawazi kya kare

but-tarashi ka hunar aaina-sazi kya kare

dard-e-dil ke waste paida kiya insan ko

dard-mandi se bashar phir be-niyazi kya kare

KHubi-e-jauhar se pati hai har ek shai imtiyaz

koh ke be-faiz patthar ki faraazi kya kare

dil mein zauq-e-wasl-o-yaad-e-yar tak baqi nahin

shisha-e-hasrat mein koi ruKH-taraazi kya kare