dil unhen roe jo sail-e-tirgi mein gum hue

dil unheñ ro.e jo sail-e-tīrgī meñ gum hue

yā unheñ jo aap apnī raushnī meñ jal-bujhe

husn ho jaatā hai jis lamhe zarūrat kā asiir

ek ho jaate haiñ us dam ḳhair-o-shar ke dā.ere

sab havā ke ruḳh par uḌte barg ke haiñ ham-navā

kaun le us kī ḳhabar rahtā hai jo patthar tale

raushnī darkār hai to ḳhud hī rauzan vā karo

muntazir kab tak rahoge tum havā-e-tez ke

koī to hotā jo ḳhūn-e-fan kī qīmat jāntā

dost nāshir se to ab tak uzr-nāme hī mile

dil unhen roe jo sail-e-tirgi mein gum hue

ya unhen jo aap apni raushni mein jal-bujhe

husn ho jata hai jis lamhe zarurat ka asir

ek ho jate hain us dam KHair-o-shar ke daere

sab hawa ke ruKH par uDte barg ke hain ham-nawa

kaun le us ki KHabar rahta hai jo patthar tale

raushni darkar hai to KHud hi rauzan wa karo

muntazir kab tak rahoge tum hawa-e-tez ke

koi to hota jo KHun-e-fan ki qimat jaanta

dost nashir se to ab tak uzr-name hi mile