dil use de diya saKHi hi to hai

dil use de diyā 'saḳhī' hī to hai

marhabā parvarish-e-alī hī to hai

dil diyā hai dilāvarī hī to hai

jaan bhī us ko deñge jī hī to hai

kyuuñ hasīnoñ kī aañkh se na laḌe

merī putlī kī mardumī hī to hai

na huī ham se umr bhar sīdhī

abrū-e-yār kī kajī hī to hai

aariz us kā na dekhūñ mar jā.ūñ

zindagī merī aarzī hī to hai

na hañse vo na gul dahan kā khulā

abhī nām-e-ḳhudā kalī hī to hai

kī ḳhitābat ko gar ḳhudā samjhā

banda bhī āḳhir aadmī hī to hai

gaal meñ vaañ havā ke sadme se

paḌ gayā niil nāzukī hī to hai

aaj kyuuñ chauñk chauñk paḌte ho

is makāñ meñ faqat 'saḳhī' hī to hai

dil use de diya 'saKHi' hi to hai

marhaba parwarish-e-ali hi to hai

dil diya hai dilawari hi to hai

jaan bhi us ko denge ji hi to hai

kyun hasinon ki aankh se na laDe

meri putli ki mardumi hi to hai

na hui hum se umr bhar sidhi

abru-e-yar ki kaji hi to hai

aariz us ka na dekhun mar jaun

zindagi meri aarzi hi to hai

na hanse wo na gul dahan ka khula

abhi nam-e-KHuda kali hi to hai

ki KHitabat ko gar KHuda samjha

banda bhi aaKHir aadmi hi to hai

gal mein wan hawa ke sadme se

paD gaya nil nazuki hi to hai

aaj kyun chaunk chaunk paDte ho

is makan mein faqat 'saKHi' hi to hai