dilbar ki tamanna-e-bar-dosh mein mar jae

dilbar kī tamannā-e-bar-dosh meñ mar jaa.e

kyā yūñhī koī hasrat-e-āġhosh meñ mar jaa.e

qabr us kī pe lāzim hai ḳhum-e-mai kā chaḌhānā

jo mast ki ishq-e-but-e-mai-nosh meñ mar jaa.e

hai tarfa aziyyat koī kis tarah ḳhudāyā

yād-e-sanam-e-vā'da-farāmosh meñ mar jaa.e

sargoshī kī ruḳhsat na kabhī ġhair ko denā

gar vo havas-e-zulf o bunā-gosh meñ mar jaa.e

gar ġhuncha-e-mahjūb tirī vaz' ko dekhe

andāz-e-hayā-e-lab-e-ḳhāmosh meñ mar jaa.e

allāh-re burqa tirā aur us ke ye rauzan

dekhe jo chhupā yuuñ tujhe rū-posh meñ mar jaa.e

kyā fā.eda phūloñ kī chhaḌī us pe lagānā

ai gul jo tirī ek hī pā-posh meñ mar jaa.e

yā-rab na vo din us ke tū 'āshiq ko dikhānā

mā'shūq ke aate hī jo āġhosh meñ mar jaa.e

aatā hai mujhe 'mus.hafī' dil apne pe ronā

afsos hai yuuñ ġhash se vo aa hosh meñ mar jaa.e

dilbar ki tamanna-e-bar-dosh mein mar jae

kya yunhi koi hasrat-e-aghosh mein mar jae

qabr us ki pe lazim hai KHum-e-mai ka chaDhana

jo mast ki ishq-e-but-e-mai-nosh mein mar jae

hai tarfa aziyyat koi kis tarah KHudaya

yaad-e-sanam-e-wa'da-faramosh mein mar jae

sargoshi ki ruKHsat na kabhi ghair ko dena

gar wo hawas-e-zulf o buna-gosh mein mar jae

gar ghuncha-e-mahjub teri waz' ko dekhe

andaz-e-haya-e-lab-e-KHamosh mein mar jae

allah-re burqa tera aur us ke ye rauzan

dekhe jo chhupa yun tujhe ru-posh mein mar jae

kya faeda phulon ki chhaDi us pe lagana

ai gul jo teri ek hi pa-posh mein mar jae

ya-rab na wo din us ke tu 'ashiq ko dikhana

ma'shuq ke aate hi jo aaghosh mein mar jae

aata hai mujhe 'mushafi' dil apne pe rona

afsos hai yun ghash se wo aa hosh mein mar jae