dilbari us ruKH-e-dil-ruba ki Khaal-o-KHad se ibarat nahin hai

dilbarī us ruḳh-e-dil-rubā kī ḳhāl-o-ḳhad se ibārat nahīñ hai

mahv-e-nazzāra-e-ḳhāl-o-ḳhad ko ye samajhne kī mohlat nahīñ hai

dil se hotī to hai raah dil ko fāsla hai magar raah ḳhud bhī

ek ho jaa.eñ ham aap mil kar ishq kī aisī qismat nahīñ hai

jis ko apnī nazar jāntā huuñ us ke jalvoñ kā hai ik karishma

vo nazar hī nahīñ jis kī hastī us kī marhūn-e-minnat nahīñ hai

ye balā.eñ jo pesh-e-nazar haiñ ye to be-shak fareb-e-nazar haiñ

lekin un se jo taarī hai dil par kyā ye Dar bhī haqīqat nahīñ hai

ġham hai jis ahd-e-māzī kā sab ko uTh ke aa jaa.eñ Dhāñche jo us ke

baḌh ke un ko gale se lagā le ye kisī meñ bhī himmat nahīñ hai

sham.a par jaan denā patango tum ne sīkhā hai kis madrase meñ

sham.a par jaan denā patango zindagī kī zarūrat nahīñ hai

maiñ 'muhib' ek sho.ala thā ya.anī hote rahne kā ik mashġhala thā

hote hote vo shai ho gayā huuñ jis meñ hone kī tāqat nahīñ hai

dilbari us ruKH-e-dil-ruba ki KHal-o-KHad se ibarat nahin hai

mahw-e-nazzara-e-KHal-o-KHad ko ye samajhne ki mohlat nahin hai

dil se hoti to hai rah dil ko fasla hai magar rah KHud bhi

ek ho jaen hum aap mil kar ishq ki aisi qismat nahin hai

jis ko apni nazar jaanta hun us ke jalwon ka hai ek karishma

wo nazar hi nahin jis ki hasti us ki marhun-e-minnat nahin hai

ye balaen jo pesh-e-nazar hain ye to be-shak fareb-e-nazar hain

lekin un se jo tari hai dil par kya ye Dar bhi haqiqat nahin hai

gham hai jis ahd-e-mazi ka sab ko uTh ke aa jaen Dhanche jo us ke

baDh ke un ko gale se laga le ye kisi mein bhi himmat nahin hai

shama par jaan dena patango tum ne sikha hai kis madrase mein

shama par jaan dena patango zindagi ki zarurat nahin hai

main 'muhib' ek shoala tha yani hote rahne ka ek mashghala tha

hote hote wo shai ho gaya hun jis mein hone ki taqat nahin hai