dildar hua na-KHush ab dil ka KHuda-hafiz

dildār huā nā-ḳhush ab dil kā ḳhudā-hāfiz

nazroñ meñ lagā laḌne bismil kā ḳhudā-hāfiz

ḳhanjar se mizha ke ye sab siina kiyā zaḳhmī

kuchh bas hī nahīñ chaltā ghāyal kā ḳhudā-hāfiz

kis tarah koī jiite nādāñ se paḌā paalā

be-tarah kī ḳhvārī hai aaqil kā ḳhudā-hāfiz

ġhairoñ se chabātā hai yāroñ se bachātā hai

chhūte hī machaltā hai chanchal kā ḳhudā-hāfiz

apnī hī vo kahtā hai par aur kī nahīñ suntā

har ik se ulajhtā hai jāhil kā ḳhudā-hāfiz

shah-e-gul kī ḳhabar aa.ī aatā hai liye lashkar

gulshan meñ paḌī khal-bal bulbul kā ḳhudā-hāfiz

maiñ tujh ko na kahtā thā mat 'nain' butoñ se mil

dil de ke huā rusvā be-dil kā ḳhudā-hāfiz

dildar hua na-KHush ab dil ka KHuda-hafiz

nazron mein laga laDne bismil ka KHuda-hafiz

KHanjar se mizha ke ye sab sina kiya zaKHmi

kuchh bas hi nahin chalta ghayal ka KHuda-hafiz

kis tarah koi jite nadan se paDa pala

be-tarah ki KHwari hai aaqil ka KHuda-hafiz

ghairon se chabaata hai yaron se bachata hai

chhute hi machalta hai chanchal ka KHuda-hafiz

apni hi wo kahta hai par aur ki nahin sunta

har ek se ulajhta hai jahil ka KHuda-hafiz

shah-e-gul ki KHabar aai aata hai liye lashkar

gulshan mein paDi khal-bal bulbul ka KHuda-hafiz

main tujh ko na kahta tha mat 'nain' buton se mil

dil de ke hua ruswa be-dil ka KHuda-hafiz