dilli hui hai viran sune khanDar paDe hain

Mushafi Ghulam Hamdani

dilli hui hai viran sune khanDar paDe hain

Mushafi Ghulam Hamdani

MORE BYMushafi Ghulam Hamdani

    dillī huī hai vīrāñ suune khañDar paḌe haiñ

    vīrān haiñ mohalle sunsān ghar paḌe haiñ

    jab dekhtā huuñ un ko tab tā-kamar paḌe haiñ

    ye baal mere ke pīchhe magar paḌe haiñ

    izzat ye pyādgī kam hai ki ghoḌe vaale

    ghoḌe se dekhte mujh ko utar paḌe haiñ

    dekhā to is chaman meñ bād-e-ḳhizāñ ke hāthoñ

    ukhḌe hue zamīñ se kyā kyā shajar paḌe haiñ

    qariyāt-e-hind ab ye rañg hai ki kosoñ

    jaave koī jidhar ko ujḌe nagar paḌe haiñ

    royā hai is chaman meñ kaun aa ke ai sabā jo

    har naḳhl-e-gul ke nīche laḳht-e-jigar paḌe haiñ

    bigḌā kiye haiñ ham bhī us nāznīñ se har dam

    kaam apne rafta rafta yūīñ sañvar paḌe haiñ

    haiñ jaan o dil ke ḳhvāhāñ kyā sar ke baal us ke

    jo kuchh idhar paḌe haiñ aur kuchh udhar paḌe haiñ

    maqtal meñ ye tamāshā us ke nayā meñ dekhā

    īdhar ko dhaḌ paḌe haiñ ūdhar ko sar paḌe haiñ

    bulbul bāġhbāñ se kyā ab nishān pūchhūñ

    bairūñ dar-e-chaman ke yak musht-e-par paḌe haiñ

    shabnam gulāb-pāshī ġhunche jald uThā

    gul bistar-e-ġhashī par sab be-ḳhabar paḌe haiñ

    ai 'mus.hafī' maiñ un ko ab chhoḌtā huuñ koī

    vo ba.ad muddatoñ ke merī nazar paḌe haiñ

    dilli hui hai viran sune khanDar paDe hain

    viran hain mohalle sunsan ghar paDe hain

    jab dekhta hun un ko tab ta-kamar paDe hain

    ye baal mere ji ke pichhe magar paDe hain

    izzat ye pyaadgi ki kam hai ki ghoDe wale

    ghoDe se dekhte hi mujh ko utar paDe hain

    dekha to is chaman mein baad-e-KHizan ke hathon

    ukhDe hue zamin se kya kya shajar paDe hain

    qariyat-e-hind ka ab ye rang hai ki koson

    jawe koi jidhar ko ujDe nagar paDe hain

    roya hai is chaman mein kaun aa ke ai saba jo

    har naKHl-e-gul ke niche laKHt-e-jigar paDe hain

    bigDa kiye hain hum bhi us naznin se har dam

    kaam apne rafta rafta yuin sanwar paDe hain

    hain jaan o dil ke KHwahan kya sar ke baal us ke

    jo kuchh idhar paDe hain aur kuchh udhar paDe hain

    maqtal mein ye tamasha us ke naya mein dekha

    idhar ko dhaD paDe hain udhar ko sar paDe hain

    bulbul ka baghban se kya ab nishan puchhun

    bairun dar-e-chaman ke yak musht-e-par paDe hain

    shabnam gulab-pashi ghunche ki jald uTha la

    gul bistar-e-ghashi par sab be-KHabar paDe hain

    ai 'mushafi' main un ko ab chhoDta hun koi

    wo baad muddaton ke meri nazar paDe hain

    Source :
    • Book : kulliyat-e-mas.hafii(divan-e-doom) (Pg. 205)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY