dilon mein ghar banana aa gaya hai

diloñ meñ ghar banānā aa gayā hai

tumheñ milnā milānā aa gayā hai

ga.e ho siikh muñh pe jhuuT kahnā

tumheñ ab sach chhupānā aa gayā hai

tumhāre muñh meñ ye shohrat kī haDDī

tumheñ bhī dum hilānā aa gayā hai

sunā hai sher kahne lag paḌe ho

tumheñ misra.a lagānā aa gayā hai

purānī ik ġhazal kā sher paḌh kar

tumheñ mahfil uThānā aa gayā hai

nahīñ sach kī koī vaq.at yahāñ par

ḳhudāyā kyā zamāna aa gayā hai

jo apne farz se ġhāfil rahe the

unheñ ab haq jatānā aa gayā hai

tumhārī muskurāhaT kah rahī hai

tumheñ bhī ġham chhupānā aa gayā hai

uThānī aa ga.ī dīvār tum ko

hameñ bhī dar banānā aa gayā hai

mire lab par duā hai rabb-e-zidnī

ḳhazāna ġhā.ebāna aa gayā hai

'razī' jī bhaaḌ meñ jaa.e mohabbat

hameñ ab dil jalānā aa gayā hai

dilon mein ghar banana aa gaya hai

tumhein milna milana aa gaya hai

gae ho sikh munh pe jhuT kahna

tumhein ab sach chhupana aa gaya hai

tumhaare munh mein ye shohrat ki haDDi

tumhein bhi dum hilana aa gaya hai

suna hai sher kahne lag paDe ho

tumhein misra lagana aa gaya hai

purani ek ghazal ka sher paDh kar

tumhein mahfil uThana aa gaya hai

nahin sach ki koi waqat yahan par

KHudaya kya zamana aa gaya hai

jo apne farz se ghafil rahe the

unhen ab haq jatana aa gaya hai

tumhaari muskurahaT kah rahi hai

tumhein bhi gham chhupana aa gaya hai

uThani aa gai diwar tum ko

hamein bhi dar banana aa gaya hai

mere lab par dua hai rabb-e-zidni

KHazana ghaebana aa gaya hai

'razi' ji bhaD mein jae mohabbat

hamein ab dil jalana aa gaya hai