dilon par ye naqsh usne apna biThaya

diloñ par ye naqsh us ne apnā biThāyā

ki jo choT par said aayā biThāyā

misāl-e-kabūtar mire dil ko us ne

bhagāyā bulāyā uThāyā biThāyā

tire ātishīñ husn ne sham.a ko shab

khapāyā jalāyā galāyā biThāyā

uThāyā usī ġham ne duniyā se pyāre

kabhī tum ne ham ko na tanhā biThāyā

samajh terī ulTī hai ai jān-e-ālam

ki apnā uThāyā parāyā biThāyā

na bole lahad meñ bhī ham Dar se tere

farishtoñ ne kitnā jagāyā biThāyā

gayā koThe par vo ye kī mah ne azmat

ki ujlā bichhaunā bichhāyā biThāyā

ye vo qais hai ḳhaas shāgird merā

pakaḌ kaan jis ko uThāyā biThāyā

'vaqār' is ġhazal kī zamīñ had burī thī

bahut zor de kar biThāyā biThāyā

dilon par ye naqsh us ne apna biThaya

ki jo choT par said aaya biThaya

misal-e-kabutar mere dil ko us ne

bhagaya bulaya uThaya biThaya

tere aatishin husn ne shama ko shab

khapaya jalaya galaya biThaya

uThaya usi gham ne duniya se pyare

kabhi tum ne hum ko na tanha biThaya

samajh teri ulTi hai ai jaan-e-alam

ki apna uThaya paraya biThaya

na bole lahad mein bhi hum Dar se tere

farishton ne kitna jagaya biThaya

gaya koThe par wo ye ki mah ne azmat

ki ujla bichhauna bichhaya biThaya

ye wo qais hai KHas shagird mera

pakaD kan jis ko uThaya biThaya

'waqar' is ghazal ki zamin had buri thi

bahut zor de kar biThaya biThaya