din Dhal gaya to raat ka rishta jawan hua

din Dhal gayā to raat kā rishta javāñ huā

vāraftagī-e-shauq kā sho.ala javāñ huā

har phūl-phal thā shāḳh-e-lahū kā nasīb-var

barsoñ ke baa'd jab mirā sapnā javāñ huā

mujh se valī-sifat kī kahāñ qadr-o-manzilat

masjid se duur hī mirā sajda javāñ huā

ghar kā ye hashr ab kisī mahshar se kam nahīñ

dīvār-o-dar ko toḌ ke fitna javāñ huā

kahte haiñ log is meñ 'sabā' kā hai rūp-rañg

dariyā kā bhaag le ke jo qatra javāñ huā

din Dhal gaya to raat ka rishta jawan hua

waraftagi-e-shauq ka shoala jawan hua

har phul-phal tha shaKH-e-lahu ka nasib-war

barson ke ba'd jab mera sapna jawan hua

mujh se wali-sifat ki kahan qadr-o-manzilat

masjid se dur hi mera sajda jawan hua

ghar ka ye hashr ab kisi mahshar se kam nahin

diwar-o-dar ko toD ke fitna jawan hua

kahte hain log is mein 'saba' ka hai rup-rang

dariya ka bhag le ke jo qatra jawan hua