din Dhale ghar se nikalte ho koi baat to hai

din Dhale ghar se nikalte ho koī baat to hai

tum jo saḌkoñ pe Tahalte ho koī baat to hai

maiñ bhī bāloñ meñ sajā letī huuñ har shaam gulāb

tum bhī ḳhushbū se bahalte ho koī baat to hai

din meñ rahte ho magan apne ḳhayāloñ meñ kahīñ

shab ga.e niiñd meñ chalte ho koī baat to hai

bātoñ-bātoñ meñ pakaḌ ke jo kabhī haath mirā

be-sabab baat badalte ho koī baat to hai

sard rātoñ meñ khulī chhat pe sitāroñ ke tale

mom kī tarah pighalte ho koī baat to hai

jis taraf chaltī hai mausam ko liye narm havā

tum usī samt meñ chalte ho koī baat to hai

na batāo to koī baat nahīñ hai lekin

tum kisī aag meñ jalte ho koī baat to hai

din Dhale ghar se nikalte ho koi baat to hai

tum jo saDkon pe Tahalte ho koi baat to hai

main bhi baalon mein saja leti hun har sham gulab

tum bhi KHushbu se bahalte ho koi baat to hai

din mein rahte ho magan apne KHayalon mein kahin

shab gae nind mein chalte ho koi baat to hai

baaton-baaton mein pakaD ke jo kabhi hath mera

be-sabab baat badalte ho koi baat to hai

sard raaton mein khuli chhat pe sitaron ke tale

mom ki tarah pighalte ho koi baat to hai

jis taraf chalti hai mausam ko liye narm hawa

tum usi samt mein chalte ho koi baat to hai

na batao to koi baat nahin hai lekin

tum kisi aag mein jalte ho koi baat to hai