din ho ki raat, kunj-e-qafas ho ki sehn-e-bagh

din ho ki raat, kunj-e-qafas ho ki sehn-e-bāġh

ālām-e-rozgār se hāsil nahīñ farāġh

raġhbat kise ki lījiye aish-o-tarab kā naam

fursat kahāñ ki kījiye sahbā se pur ayāġh

vīrāna-e-hayāt meñ āsūda-ḳhātirī

kis ko milā is āhu-e-ram-ḳhurda kā surāġh

āsār-e-kū-e-dost haiñ aur pā-shikastagī

ḳhushbū-e-zulf-e-yār hai aur ham se be-dimāġh

kis kī jabīñ pe haiñ ye sitāre araq araq

kis ke lahū se chāñd kā dāman hai daaġh daaġh

karte haiñ kasb-e-nūr isī tīrgī se ham

'anjum' haiñ dil ke daaġh guhar-hā-e-shab-charāġh

din ho ki raat, kunj-e-qafas ho ki sehn-e-bagh

aalam-e-rozgar se hasil nahin faragh

raghbat kise ki lijiye aish-o-tarab ka nam

fursat kahan ki kijiye sahba se pur ayagh

virana-e-hayat mein aasuda-KHatiri

kis ko mila is aahu-e-ram-KHurda ka suragh

aasar-e-ku-e-dost hain aur pa-shikastagi

KHushbu-e-zulf-e-yar hai aur hum se be-dimagh

kis ki jabin pe hain ye sitare araq araq

kis ke lahu se chand ka daman hai dagh dagh

karte hain kasb-e-nur isi tirgi se hum

'anjum' hain dil ke dagh guhar-ha-e-shab-charagh