din ko kar-e-daraaz-e-dahr raha

din ko kār-e-darāz-e-dahr rahā

raat ḳhvāboñ kī vādiyoñ meñ kaTī

chāñd ḳhāmosh jā rahā thā kahīñ

ham ne bhī us se koī baat na kī

sā.at-e-dīd terī umr hī kyā

abhī aa.ī na thī ki biit ga.ī

barg-e-āvāra se koī pūchhe

bū-e-gul kis kī justujū meñ ga.ī

kis kā naġhma hai dil kī dhaḌkan meñ

kis kī āvāz-e-pā sukūt banī

din ko kar-e-daraaz-e-dahr raha

raat KHwabon ki wadiyon mein kaTi

chand KHamosh ja raha tha kahin

hum ne bhi us se koi baat na ki

saat-e-did teri umr hi kya

abhi aai na thi ki bit gai

barg-e-awara se koi puchhe

bu-e-gul kis ki justuju mein gai

kis ka naghma hai dil ki dhaDkan mein

kis ki aawaz-e-pa sukut bani