din se bichhDi hui baraat liye phirti hai
din se bichhḌī huī bārāt liye phirtī hai
chāñd tāroñ ko kahāñ raat liye phirtī hai
ye kahīñ us ke mazālim kā mudāvā hī na ho
ye jo pattoñ ko havā saath liye phirtī hai
chalte chalte hī sahī baat to kar lī jaa.e
ham ko duniyā meñ yahī baat liye phirtī hai
lamha lamha tirī furqat meñ pighaltī huī umr
garmi-e-shauq-e-mulāqāt liye phirtī hai
varna ham shahr-e-gul-āzār meñ kab aate the
ye to ham ko bharī-barsāt liye phirtī hai
jis taraf se maiñ guzartā bhī nahīñ thā pahle
ab vahīñ gardish-e-hālāt liye phirtī hai
din se bichhDi hui baraat liye phirti hai
chand taron ko kahan raat liye phirti hai
ye kahin us ke mazalim ka mudawa hi na ho
ye jo patton ko hawa sath liye phirti hai
chalte chalte hi sahi baat to kar li jae
hum ko duniya mein yahi baat liye phirti hai
lamha lamha teri furqat mein pighalti hui umr
garmi-e-shauq-e-mulaqat liye phirti hai
warna hum shahr-e-gul-azar mein kab aate the
ye to hum ko bhari-barsat liye phirti hai
jis taraf se main guzarta bhi nahin tha pahle
ab wahin gardish-e-haalat liye phirti hai
- Book : Beesveen Sadi Ki Behtareen Ishqiya Ghazlen (Pg. 26)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
