diya fareb tamanna ko har ghaDi maine

diyā fareb tamannā ko har ghaḌī maiñ ne

murād man kī na paa.ī magar kabhī maiñ ne

umīd-o-bīm se dil ko najāt mil na sakī

guzār dī hai tazabzub meñ zindagī maiñ ne

ḳhirad kā raag mire ġham se daad pā na sakā

junūñ ko sauñp diyā sāz-e-āgahī maiñ ne

bulā ke mujh ko sar-e-bazm be-hijāb kiyā

tire karam kī haqīqat bhī dekh lī maiñ ne

visāl-o-hijr ke jhagḌoñ se be-niyāz huuñ maiñ

isī meñ dekhī hai le de ke behtarī maiñ ne

tire junūñ ke ta.alluq maiñ kyā kahūñ 'sābir'

tujhe qarīb se dekhā nahīñ abhī maiñ ne

diya fareb tamanna ko har ghaDi main ne

murad man ki na pai magar kabhi main ne

umid-o-bim se dil ko najat mil na saki

guzar di hai tazabzub mein zindagi main ne

KHirad ka rag mere gham se dad pa na saka

junun ko saunp diya saz-e-agahi main ne

bula ke mujh ko sar-e-bazm be-hijab kiya

tere karam ki haqiqat bhi dekh li main ne

visal-o-hijr ke jhagDon se be-niyaz hun main

isi mein dekhi hai le de ke behtari main ne

tere junun ke talluq main kya kahun 'sabir'

tujhe qarib se dekha nahin abhi main ne