diya sa dil ke KHarabe mein jal raha hai miyan

diyā sā dil ke ḳharābe meñ jal rahā hai miyāñ

diye ke gird koī aks chal rahā hai miyāñ

ye ruuh raqs-e-charāġhāñ hai apne halqe meñ

ye jism saaya hai aur saaya Dhal rahā hai miyāñ

ye aañkh parda hai ik gardish-e-tahayyur kā

ye dil nahīñ hai bagūla uchhal rahā hai miyāñ

kabhī kisī kā guzarnā kabhī Thahar jaanā

mire sukūt meñ kyā kyā ḳhalal rahā hai miyāñ

kisī kī raah meñ aflāk zer-e-pā hote

yahāñ to paañv se sahrā nikal rahā hai miyāñ

hujūm-e-shoḳh meñ ye dil hī be-ġharaz niklā

chalo koī to harīfāna chal rahā hai miyāñ

tujhe abhī se paḌī hai ki faisla ho jaa.e

na jaane kab se yahāñ vaqt Tal rahā hai miyāñ

tabī.atoñ hī ke milne se thā maza baaqī

so vo maza bhī kahāñ āj-kal rahā hai miyāñ

ġhamoñ kī fasl meñ jis ġham ko rā.egāñ samjhe

ḳhushī to ye hai ki vo ġham bhī phal rahā hai miyāñ

likhā 'nasīr' ne har rang meñ safed-o-siyāh

magar jo harf lahū meñ machal rahā hai miyāñ

diya sa dil ke KHarabe mein jal raha hai miyan

diye ke gird koi aks chal raha hai miyan

ye ruh raqs-e-charaghan hai apne halqe mein

ye jism saya hai aur saya Dhal raha hai miyan

ye aankh parda hai ek gardish-e-tahayyur ka

ye dil nahin hai bagula uchhal raha hai miyan

kabhi kisi ka guzarna kabhi Thahar jaana

mere sukut mein kya kya KHalal raha hai miyan

kisi ki rah mein aflak zer-e-pa hote

yahan to panw se sahra nikal raha hai miyan

hujum-e-shoKH mein ye dil hi be-gharaz nikla

chalo koi to harifana chal raha hai miyan

tujhe abhi se paDi hai ki faisla ho jae

na jaane kab se yahan waqt Tal raha hai miyan

tabiaton hi ke milne se tha maza baqi

so wo maza bhi kahan aaj-kal raha hai miyan

ghamon ki fasl mein jis gham ko raegan samjhe

KHushi to ye hai ki wo gham bhi phal raha hai miyan

likha 'nasir' ne har rang mein safed-o-siyah

magar jo harf lahu mein machal raha hai miyan