diye maTi ke nahin dil ke jala karte the

diye maaTī ke nahīñ dil ke jalā karte the

kabhī is mulk meñ insāñ bhī rahā karte the

ab to Daste hue sannāTe haiñ bas duur talak

goshe goshe meñ jahāñ jashn huā karte the

be-sahāroñ kī qatāroñ meñ unheñ dekhā hai

kabhī jo haath sitāroñ ko chhuā karte the

ye ajantā ye hasīñ taaj ḳhabar detā hai

pattharoñ meñ bhī yahāñ chāñd khilā karte the

kaise aatī na asar le ke falak se 'sāġhar'

log hoñToñ se nahīñ dil se duā karte the

diye maTi ke nahin dil ke jala karte the

kabhi is mulk mein insan bhi raha karte the

ab to Daste hue sannaTe hain bas dur talak

goshe goshe mein jahan jashn hua karte the

be-sahaaron ki qataron mein unhen dekha hai

kabhi jo hath sitaron ko chhua karte the

ye ajanta ye hasin taj KHabar deta hai

pattharon mein bhi yahan chand khila karte the

kaise aati na asar le ke falak se 'saghar'

log honTon se nahin dil se dua karte the