diyon ko KHud bujha kar rakh diya hai
diyoñ ko ḳhud bujhā kar rakh diyā hai
aur ilzām ab havā par rakh diyā hai
kisī sar par rakhā hai haath us ne
kisī gardan pe ḳhanjar rakh diyā hai
ye kyā bāhar se aa.ī lahr jis ne
bujhā kar ghar kā manzar rakh diyā hai
ajab haiñ us galī ke dūr-andesh
diyā rakhnā thā patthar rakh diyā hai
baḌe maujī nahangān-e-tah-e-āb
samundar ko hilā kar rakh diyā hai
ye mid.hat-gar bhī haiñ kyā kār-pardāz
zamīñ ko āsmāñ par rakh diyā hai
rakhā bachchoñ meñ jazb-e-razm bhī kuchh
khilaunoñ kā to lashkar rakh diyā hai
hisār-e-gard-bād apnā Thikānā
aur us kā naam bhī ghar rakh diyā hai
likkhe yāroñ ne kuchh nukte bhī yā phir
faqat lafzoñ kā daftar rakh diyā hai
rakhā marham hī ghāyal uñgliyoñ par
qalam kab ham ne 'mahshar' rakh diyā hai
diyon ko KHud bujha kar rakh diya hai
aur ilzam ab hawa par rakh diya hai
kisi sar par rakha hai hath us ne
kisi gardan pe KHanjar rakh diya hai
ye kya bahar se aai lahr jis ne
bujha kar ghar ka manzar rakh diya hai
ajab hain us gali ke dur-andesh
diya rakhna tha patthar rakh diya hai
baDe mauji nahangan-e-tah-e-ab
samundar ko hila kar rakh diya hai
ye midhat-gar bhi hain kya kar-pardaz
zamin ko aasman par rakh diya hai
rakha bachchon mein jazb-e-razm bhi kuchh
khilaunon ka to lashkar rakh diya hai
hisar-e-gard-baad apna Thikana
aur us ka nam bhi ghar rakh diya hai
likkhe yaron ne kuchh nukte bhi ya phir
faqat lafzon ka daftar rakh diya hai
rakha marham hi ghayal ungliyon par
qalam kab hum ne 'mahshar' rakh diya hai
- Book : jadeed urdu gazal (Pg. 219)
- Author : mahshar badayuni
- Publication : khuda bakhsh oriental public library patna (1995)
- Edition : 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
