dobara zist kahin gham mein mubtala na kare

dobāra ziist kahīñ ġham meñ mubtalā na kare

vo saath ġhair ke hoñ hashr meñ ḳhudā na kare

udaas huuñ ki mirā dil nahīñ hai pahlū meñ

mirī tarah koī maġhmūm ho ḳhudā na kare

samajh meñ aa.e jo bargashtagī muqaddar kī

marīz aap kā marne kī bhī duā na kare

jafā jo chāhe kare 'nāsirī' vo dil-āzār

kisī ġharīb se dil ko magar judā na kare

dobara zist kahin gham mein mubtala na kare

wo sath ghair ke hon hashr mein KHuda na kare

udas hun ki mera dil nahin hai pahlu mein

meri tarah koi maghmum ho KHuda na kare

samajh mein aae jo bargashtagi muqaddar ki

mariz aap ka marne ki bhi dua na kare

jafa jo chahe kare 'nasiri' wo dil-azar

kisi gharib se dil ko magar juda na kare