donon aalam se wo begana nazar aata hai

donoñ aalam se vo begāna nazar aatā hai

jo tire ishq meñ dīvāna nazar aatā hai

ishq-e-but ka.aba-e-dil meñ hai ḳhudāyā jab se

terā ghar bhī mujhe but-ḳhāna nazar aatā hai

sho.ala-e-ishq meñ dekhe koī jalnā dil kā

sham.a ke bhes meñ parvāna nazar aatā hai

misr kā chāñd bhī shaidā hai azal se un kā

husn kā husn bhī dīvāna nazar aatā hai

bāġhbāñ baaġh meñ kis shoḳh kī tahrīr hai ye

varaq-e-gul pe jo afsāna nazar aatā hai

hai ajab husn-e-tasavvur tire dīvāne kā

tere jaisā tirā dīvāna nazar aatā hai

un kī mast aañkh mire dil meñ hai raqsāñ 'purnam'

ḳhuub paimāne meñ paimāna nazar aatā hai

donon aalam se wo begana nazar aata hai

jo tere ishq mein diwana nazar aata hai

ishq-e-but kaba-e-dil mein hai KHudaya jab se

tera ghar bhi mujhe but-KHana nazar aata hai

shoala-e-ishq mein dekhe koi jalna dil ka

shama ke bhes mein parwana nazar aata hai

misr ka chand bhi shaida hai azal se un ka

husn ka husn bhi diwana nazar aata hai

baghban bagh mein kis shoKH ki tahrir hai ye

waraq-e-gul pe jo afsana nazar aata hai

hai ajab husn-e-tasawwur tere diwane ka

tere jaisa tera diwana nazar aata hai

un ki mast aankh mere dil mein hai raqsan 'purnam'

KHub paimane mein paimana nazar aata hai