donon ham-pesha the donon hi mein yarana tha

donoñ ham-pesha the donoñ hī meñ yārāna thā

qātil-e-shahr se par rabt raqībāna thā

vo khule jism phirā shahr ke bāzāroñ meñ

log kahte haiñ ye iqdām dilerāna thā

band muTThī meñ mirī raakh thī tābīroñ kī

us kī āñkhoñ meñ bhī ik ḳhvāb marīzāna thā

laġhzish-e-pā bhī har ik gaam thī saaya saaya

zindagī tujh se ta.alluq bhī sharīfāna thā

tum jahāñ apnī masāfat ke nishāñ chhoḌ ga.e

vo guzargāh mirī zaat kā vīrāna thā

sunte haiñ apnī hī talvār use kaaT ga.ī

dosto ham meñ jo ik shaḳhs harīfāna thā

donon ham-pesha the donon hi mein yarana tha

qatil-e-shahr se par rabt raqibana tha

wo khule jism phira shahr ke bazaron mein

log kahte hain ye iqdam dilerana tha

band muTThi mein meri rakh thi tabiron ki

us ki aankhon mein bhi ek KHwab marizana tha

laghzish-e-pa bhi har ek gam thi saya saya

zindagi tujh se talluq bhi sharifana tha

tum jahan apni masafat ke nishan chhoD gae

wo guzargah meri zat ka virana tha

sunte hain apni hi talwar use kaT gai

dosto hum mein jo ek shaKHs harifana tha