dosh-ba-dosh dosh tha mujhse but-e-karishma-kosh

dosh-ba-dosh dosh thā mujh se but-e-karishma-kosh

parda dar ḳhiyām-e-aql-e-raḳhna-gar harīm-e-hosh

ġhāza ba-rū misī ba-lab paan ba-dahan hinā ba-kaf

silk-e-durr-e-adan basar turra-e-ambarīñ ba-dosh

pal meñ marīz vo kare dam meñ shifā ye de mujhe

aah vo chashm-e-mai-parast vaah vo lāl-e-bāda-nosh

mā.il-e-aish jaan kar jāhil bevafā kahe

sā.il-e-bosa jabki huuñ chupke kahe ki chup ḳhamosh

ishq meñ sab hai behtarī dekh ba-chashm ghaḌī

rashk-e-qamar hai mushtarī-e-dīda-gah-e-farosh

munkir-e-mai thā shaiḳh kal aaj ye haal hai ki hai

jām-ba-dast-o-ḳhum-ba-sar shīsha-ba-lab-o-ba-dosh

naġhma-sarā ho 'muhsinā' taaki vo baaġh baaġh baaġh

sausan-e-sad-zabān ho gul kī tarah tamām gosh

dosh-ba-dosh dosh tha mujh se but-e-karishma-kosh

parda dar KHiyam-e-aql-e-raKHna-gar harim-e-hosh

ghaza ba-ru misi ba-lab pan ba-dahan hina ba-kaf

silk-e-durr-e-adan basar turra-e-ambarin ba-dosh

pal mein mariz wo kare dam mein shifa ye de mujhe

aah wo chashm-e-mai-parast wah wo lal-e-baada-nosh

mail-e-aish jaan kar jahil bewafa kahe

sail-e-bosa jabki hun chupke kahe ki chup KHamosh

ishq mein sab hai behtari dekh ba-chashm ghaDi

rashk-e-qamar hai mushtari-e-dida-gah-e-farosh

munkir-e-mai tha shaiKH kal aaj ye haal hai ki hai

jam-ba-dast-o-KHum-ba-sar shisha-ba-lab-o-ba-dosh

naghma-sara ho 'muhsina' taki wo bagh bagh bagh

sausan-e-sad-zaban ho gul ki tarah tamam gosh