dosh dete rahe be-kar hi tughyani ko
dosh dete rahe be-kār hī tuġhyānī ko
ham ne samjhā nahīñ dariyā kī pareshānī ko
ye nahīñ dekhte kitnī hai riyāzat kis kī
log āsān samajh lete haiñ āsānī ko
be-gharī kā mujhe ehsās dilāne vaale
tū ne bartā hai mirī be-sar-o-sāmānī ko
sharmsārī hai ki rukne meñ nahīñ aatī hai
ḳhushk kartā rahe kab tak koī peshānī ko
jaise rañgoñ kī baḳhīlī bhī hunar ho 'az.har'
ġhaur se dekhiye tasvīr kī uryānī ko
dosh dete rahe be-kar hi tughyani ko
hum ne samjha nahin dariya ki pareshani ko
ye nahin dekhte kitni hai riyazat kis ki
log aasan samajh lete hain aasani ko
be-ghari ka mujhe ehsas dilane wale
tu ne barta hai meri be-sar-o-samani ko
sharmsari hai ki rukne mein nahin aati hai
KHushk karta rahe kab tak koi peshani ko
jaise rangon ki baKHili bhi hunar ho 'azhar'
ghaur se dekhiye taswir ki uryani ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
