دوست بن کر بھی نہیں ساتھ نبھانے والا

احمد فراز

دوست بن کر بھی نہیں ساتھ نبھانے والا

احمد فراز

MORE BYاحمد فراز

    دوست بن کر بھی نہیں ساتھ نبھانے والا

    وہی انداز ہے ظالم کا زمانے والا

    اب اسے لوگ سمجھتے ہیں گرفتار مرا

    سخت نادم ہے مجھے دام میں لانے والا

    صبح دم چھوڑ گیا نکہت گل کی صورت

    رات کو غنچۂ دل میں سمٹ آنے والا

    کیا کہیں کتنے مراسم تھے ہمارے اس سے

    وہ جو اک شخص ہے منہ پھیر کے جانے والا

    تیرے ہوتے ہوئے آ جاتی تھی ساری دنیا

    آج تنہا ہوں تو کوئی نہیں آنے والا

    منتظر کس کا ہوں ٹوٹی ہوئی دہلیز پہ میں

    کون آئے گا یہاں کون ہے آنے والا

    کیا خبر تھی جو مری جاں میں گھلا ہے اتنا

    ہے وہی مجھ کو سر دار بھی لانے والا

    میں نے دیکھا ہے بہاروں میں چمن کو جلتے

    ہے کوئی خواب کی تعبیر بتانے والا

    تم تکلف کو بھی اخلاص سمجھتے ہو فرازؔ

    دوست ہوتا نہیں ہر ہاتھ ملانے والا

    ویڈیو
    This video is playing from YouTube

    Videos
    This video is playing from YouTube

    مقبول احمد صابری

    مقبول احمد صابری

    جگجیت سنگھ

    جگجیت سنگھ

    غلام علی

    غلام علی

    RECITATIONS

    نعمان شوق

    نعمان شوق

    نعمان شوق

    دوست بن کر بھی نہیں ساتھ نبھانے والا نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY