dosti apni jagah aur dushmani apni jagah
dostī apnī jagah aur dushmanī apnī jagah
farz ke anjām dene kī ḳhushī apnī jagah
ham to sargarm-e-safar haiñ aur raheñge umr bhar
manzileñ apnī jagah āvārgī apnī jagah
pattharoñ ke des meñ shīshe kā hai apnā vaqār
devtā apnī jagah aur aadmī apnī jagah
gyaan maanā hai baḌā bhaktī bhī lekin kam nahīñ
āgahī apnī jagah dīvāngī apnī jagah
sub.h haiñ sajde meñ ham to shaam saaqī ke huzūr
bandagī apnī jagah aur mai-kashī apnī jagah
saarā aalam hai tarannum-ḳhez ai shā.ir-navāz
sher kī apnī jagah aur 'tarz' kī apnī jagah
dosti apni jagah aur dushmani apni jagah
farz ke anjam dene ki KHushi apni jagah
hum to sargarm-e-safar hain aur rahenge umr bhar
manzilen apni jagah aawargi apni jagah
pattharon ke des mein shishe ka hai apna waqar
dewta apni jagah aur aadmi apni jagah
gyan mana hai baDa bhakti bhi lekin kam nahin
aagahi apni jagah diwangi apni jagah
subh hain sajde mein hum to sham saqi ke huzur
bandagi apni jagah aur mai-kashi apni jagah
sara aalam hai tarannum-KHez ai shair-nawaz
sher ki apni jagah aur 'tarz' ki apni jagah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
