dosto haal-e-dil-e-zar zara us se kaho

dosto hāl-e-dil-e-zār zarā us se kaho

kam na ho is meñ zarā balki sivā us se kaho

baat gaḌ.h kar na koī bahr-e-ḳhudā us se kaho

jitnā maiñ muñh se kahūñ merā kahā us se kaho

ye na kahiyegā ki ham zaḳhmoñ pe chhiḌkeñge namak

jis kisī ne ki na chakkhā ho mazā us se kaho

shām-e-andoh kī shāyad ki sahar ho jaa.e

mirā din raat kā ye shor-o-bukā us se kaho

chashm-e-bīmār ne bīmār kiyā hai mujh ko

lab-e-jāñ-baḳhsh kare merī davā us se kaho

haath uThā baiThe na vo qatl se mere yaaro

ḳhūñ-bahā maiñ ne ba-hal apnā kiyā us se kaho

ik hasīñ pūchhtā thā hāl-e-vaqār-e-ḳhasta

go burā ho mirā itnā to bhalā us se kaho

dosto haal-e-dil-e-zar zara us se kaho

kam na ho is mein zara balki siwa us se kaho

baat gaDh kar na koi bahr-e-KHuda us se kaho

jitna main munh se kahun mera kaha us se kaho

ye na kahiyega ki hum zaKHmon pe chhiDkenge namak

jis kisi ne ki na chakkha ho maza us se kaho

sham-e-andoh ki shayad ki sahar ho jae

mera din raat ka ye shor-o-buka us se kaho

chashm-e-bimar ne bimar kiya hai mujh ko

lab-e-jaan-baKHsh kare meri dawa us se kaho

hath uTha baiThe na wo qatl se mere yaro

KHun-baha main ne ba-hal apna kiya us se kaho

ek hasin puchhta tha haal-e-waqar-e-KHasta

go bura ho mera itna to bhala us se kaho