dua ki narm panahon mein ja ke leT gaya

du'ā kī narm panāhoñ meñ jā ke leT gayā

maiñ bhiik māñgte shāhoñ meñ jā ke leT gayā

guzishta raat zamāne kī aañkh lagte hī

maiñ ek chāñd kī bāhoñ meñ jā ke leT gayā

har ik zabān pe ġhībat ke phunsī phoḌe the

so kār-e-ḳhair gunāhoñ meñ jā ke leT gayā

kisī bhī zaḳhm ne bai'at na kī shahādat se

mirā jihād karāhoñ meñ jā ke leT gayā

kuchh aise jhuuT ko pahnāyā us ne sach kā libās

yaqīn vahm kī bāhoñ meñ jā ke leT gayā

du'a ki narm panahon mein ja ke leT gaya

main bhik mangte shahon mein ja ke leT gaya

guzishta raat zamane ki aankh lagte hi

main ek chand ki bahon mein ja ke leT gaya

har ek zaban pe ghibat ke phunsi phoDe the

so kar-e-KHair gunahon mein ja ke leT gaya

kisi bhi zaKHm ne bai'at na ki shahadat se

mera jihad karahon mein ja ke leT gaya

kuchh aise jhuT ko pahnaya us ne sach ka libas

yaqin wahm ki bahon mein ja ke leT gaya