دعا ہے اور نہ کوئی بد دعا ہے
دعا ہے اور نہ کوئی بد دعا ہے
یہ دنیا تو محض اک حادثہ ہے
تمہارے سامنے جو آئنہ ہے
یقیں جانو وہی تو آشنا ہے
جو کہنا تھا وہ ہم نے کہہ دیا ہے
بتائیں آپ کا کیا فیصلہ ہے
عجب دنیا ہے انسانوں کی دنیا
جہاں انسانیت ہی گمشدہ ہے
تصور بارہا پہنچا وہیں پر
ضمیر اکثر جہاں پر روکتا ہے
یہی سچائی ہے ہر ایک سچ کی
یہی لگتا ہے بس اک زاویہ ہے
یہ دنیا جان جاں تیری نہ میری
مکیں سب ہیں مگر مالک خدا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
