dukhā dil bhī TukḌe jigar hote hote
idhar bhī uThā dard udhar hote hote
javānī kā joban Dhalā din kī sūrat
zavāl aa gayā dopahar hote hote
dil-e-nā-murād ik hazār ārzūeñ
use chāhiye umr-bhar hote hote
nahāne meñ zanjīr-e-pā tauq-e-gardan
bane halqa halqa bhañvar hote hote
vo jā apne pahlū meñ de hī ye mushkil
jo hogā bhī to dil meñ ghar hote hote
haram jaate jaate ga.e mai-kade meñ
idhar ho ga.e 'shād' udhar hote hote
dukha dil bhi TukDe jigar hote hote
idhar bhi uTha dard udhar hote hote
jawani ka joban Dhala din ki surat
zawal aa gaya dopahar hote hote
dil-e-na-murad ek hazar aarzuen
use chahiye umr-bhar hote hote
nahane mein zanjir-e-pa tauq-e-gardan
bane halqa halqa bhanwar hote hote
wo ja apne pahlu mein de hi ye mushkil
jo hoga bhi to dil mein ghar hote hote
haram jate jate gae mai-kade mein
idhar ho gae 'shad' udhar hote hote
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
