dukhata hai mera dil be alif re

dukhātā hai mirā dil be alif re

huā huuñ rañj se maiñ ze alif re

uḌā.īñ dhajjiyāñ bhī tū ne lekin

chhuTā dāman na tujh se ḳhe alif re

garebāñ-gīr hai ye jo vahshat

na rakkhā naam ko bhī te alif re

ḳhushī se kaaT le qātil mirā sar

huā hai ab to mujh ko be alif re

nigāhoñ ko kahūñ kyūñ-kar na barchhī

ki siine se huī haiñ pe alif re

ilāhī ze alif re to huā huuñ

pa chashm-e-ġhair meñ huuñ ḳhe alif re

liyā hai dil tumhārā us ne 'anjum'

kare āñkheñ vo kyūñkar che alif re

tasavvur gul-ruḳhoñ kā 'āsmāñ' kyuuñ

gale kā ho gayā hai he alif re

dukhata hai mera dil be alif re

hua hun ranj se main ze alif re

uDain dhajjiyan bhi tu ne lekin

chhuTa daman na tujh se KHe alif re

gareban-gir hai ye jo wahshat

na rakkha nam ko bhi te alif re

KHushi se kaT le qatil mera sar

hua hai ab to mujh ko be alif re

nigahon ko kahun kyun-kar na barchhi

ki sine se hui hain pe alif re

ilahi ze alif re to hua hun

pa chashm-e-ghair mein hun KHe alif re

liya hai dil tumhaara us ne 'anjum'

kare aankhen wo kyunkar che alif re

tasawwur gul-ruKHon ka 'asman' kyun

gale ka ho gaya hai he alif re