duniya ka gham hi kya gham-e-ulfat ke samne

duniyā kā ġham hī kyā ġham-e-ulfat ke sāmne

bātil hai be-vajūd haqīqat ke sāmne

hasrat se chup huuñ maiñ tirī sūrat ke sāmne

jaise gunāhgār ho jannat ke sāmne

rusvā.iyāñ hazār hoñ barbādiyāñ hazār

parvā kise hai terī mohabbat ke sāmne

ai nāz-e-ishq dār-o-rasan kī bisāt kyā

mere vufūr-e-shauq-e-shahādat ke sāmne

ai husn-e-be-misāl majāl aa.ine kī kyā

jo aa sake kabhī tirī sūrat ke sāmne

ābādiyoñ ko chhoḌ ke ḳhush ho gayā thā maiñ

sahrā bhī tañg hai mirī vahshat ke sāmne

lākhoñ hijāb husn ko ghere raheñ magar

Thahre haiñ kab nigāh-e-mohabbat ke sāmne

kitne pahāḌ rāh-e-vafā meñ kaTe 'iram'

kitne abhī haiñ aur musībat ke sāmne

duniya ka gham hi kya gham-e-ulfat ke samne

baatil hai be-wajud haqiqat ke samne

hasrat se chup hun main teri surat ke samne

jaise gunahgar ho jannat ke samne

ruswaiyan hazar hon barbaadiyan hazar

parwa kise hai teri mohabbat ke samne

ai naz-e-ishq dar-o-rasan ki bisat kya

mere wufur-e-shauq-e-shahadat ke samne

ai husn-e-be-misal majal aaine ki kya

jo aa sake kabhi teri surat ke samne

aabaadiyon ko chhoD ke KHush ho gaya tha main

sahra bhi tang hai meri wahshat ke samne

lakhon hijab husn ko ghere rahen magar

Thahre hain kab nigah-e-mohabbat ke samne

kitne pahaD rah-e-wafa mein kaTe 'iram'

kitne abhi hain aur musibat ke samne