duniya tujhe chahe kuchh bhi kahe hum jaan-e-tamanna kahte hain

duniyā tujhe chāhe kuchh bhī kahe ham jān-e-tamannā kahte haiñ

ham terī nazar meñ ġhair sahī phir bhī tujhe apnā kahte haiñ

phūloñ meñ misl-e-gulāb hai tū tāroñ meñ hasīñ mahtāb hai tū

tū sab se achchhā lagtā hai tujhe sab se achchhā kahte haiñ

tū dilbar hai dil-dār hai tū tū jān-o-dil se pyārā hai

fitrat ne jis ko sañvārā hai tujhe husn sarāpā kahte haiñ

koī ishq kī tujh ko jaan kahe koī dil kā tujhe armān kahe

dil vāloñ kī is bastī meñ tujhe aur bhī kyā kyā kahte haiñ

pal-bhar ke liye ārām nahīñ ab us ke sivā koī kaam nahīñ

tirī sūrat dekhā karte haiñ tujh ko ā.īna kahte haiñ

tū laakh chhupā.e ishq magar chehre se ayaañ ho jaatā hai

kahne vaale to duniyā meñ mujhe aaj bhī terā kahte haiñ

duniya tujhe chahe kuchh bhi kahe hum jaan-e-tamanna kahte hain

hum teri nazar mein ghair sahi phir bhi tujhe apna kahte hain

phulon mein misl-e-gulab hai tu taron mein hasin mahtab hai tu

tu sab se achchha lagta hai tujhe sab se achchha kahte hain

tu dilbar hai dil-dar hai tu tu jaan-o-dil se pyara hai

fitrat ne jis ko sanwara hai tujhe husn sarapa kahte hain

koi ishq ki tujh ko jaan kahe koi dil ka tujhe arman kahe

dil walon ki is basti mein tujhe aur bhi kya kya kahte hain

pal-bhar ke liye aaram nahin ab us ke siwa koi kaam nahin

teri surat dekha karte hain tujh ko aaina kahte hain

tu lakh chhupae ishq magar chehre se ayan ho jata hai

kahne wale to duniya mein mujhe aaj bhi tera kahte hain