dupaTTe ki hawa se dur rahna

dupaTTe kī havā se duur rahnā

ḳhudārā vāhima se duur rahnā

bhale tārīf kar denā ġhazal meñ

magar tum shā.era se duur rahnā

ye tere hausloñ ko maar degī

dilāse kī davā se duur rahnā

mohabbat yaad dilvātī hai naanī

kahā thā nā balā se duur rahnā

ġhanīmat hī hai vaise hijr meñ bhī

tumhārā is adā se duur rahnā

pahuñch kar shahr ham bhī siikh leñge

parindoñ kī sadā se duur rahnā

mujhe andhe nasīhat kar rahe haiñ

nazar vaalī sazā se duur rahnā

dupaTTe ki hawa se dur rahna

KHudara wahima se dur rahna

bhale tarif kar dena ghazal mein

magar tum shaera se dur rahna

ye tere hauslon ko mar degi

dilase ki dawa se dur rahna

mohabbat yaad dilwati hai nani

kaha tha na bala se dur rahna

ghanimat hi hai waise hijr mein bhi

tumhaara is ada se dur rahna

pahunch kar shahr hum bhi sikh lenge

parindon ki sada se dur rahna

mujhe andhe nasihat kar rahe hain

nazar wali saza se dur rahna