dushman-e-jaan se dosti kar li

dushman-e-jāñ se dostī kar lī

yuuñ miyāñ ham ne ḳhud-kushī kar lī

ek muddat se the pareshāñ kuchh

jab na sūjhā to shā.irī kar lī

kahte kahte vo ruk gayā lekin

baat bhūle se hī sahī kar lī

mom ke the bane kirich ḳhanjar

aag siine kī do gunī kar lī

dhajjiyāñ dil kī phir rafū-gar ne

sī ke āshiq se dushmanī kar lī

sar pe ilzām dil meñ dard-o-ḳhalish

yuuñ basar ham ne zindagī kar lī

vaah 'abrār' ḳhāmushī ne tirī

paar phir jadd-e-āgahī kar lī

dushman-e-jaan se dosti kar li

yun miyan hum ne KHud-kushi kar li

ek muddat se the pareshan kuchh

jab na sujha to shairi kar li

kahte kahte wo ruk gaya lekin

baat bhule se hi sahi kar li

mom ke the bane kirich KHanjar

aag sine ki do guni kar li

dhajjiyan dil ki phir rafu-gar ne

si ke aashiq se dushmani kar li

sar pe ilzam dil mein dard-o-KHalish

yun basar hum ne zindagi kar li

wah 'abrar' KHamushi ne teri

par phir jadd-e-agahi kar li