Dubte jate the tare baadban raushan hua

Dūbte jaate the taare bādbāñ raushan huā

pau phaTī ḳhurshīd ubhrā āsmāñ raushan huā

raat kahtī thī diyoñ kī TimTimāhaT kab talak

tīrgī soī zamīr-e-kun-fakāñ raushan huā

be-kasī ke dard ne lau dī jal uTThā ik charāġh

rafta rafta us se phir saarā jahāñ raushan huā

jab sahārā āḳhirī TuuTā to himmat jaag uThī

bujh ga.e shams-o-qamar apnā makāñ raushan huā

bīsiyoñ jhūTe ḳhudā the ek hārūn-al-rashīd

āñdhiyāñ uThīñ charāġh-e-pāsbāñ raushan huā

raakh meñ ab tak sulagtī haiñ dabī chingāriyāñ

baaġh saarā jal bujhā lekin kahāñ raushan huā

chaḌh rahī thī fitna-e-imroz kī debī pe bheñT

shāhid-e-fardā kā chehra nā-gahāñ raushan huā

Dubte jate the tare baadban raushan hua

pau phaTi KHurshid ubhra aasman raushan hua

raat kahti thi diyon ki TimTimahaT kab talak

tirgi soi zamir-e-kun-fakan raushan hua

be-kasi ke dard ne lau di jal uTTha ek charagh

rafta rafta us se phir sara jahan raushan hua

jab sahaara aaKHiri TuTa to himmat jag uThi

bujh gae shams-o-qamar apna makan raushan hua

bisiyon jhuTe KHuda the ek haarun-al-rashid

aandhiyan uThin charagh-e-pasban raushan hua

rakh mein ab tak sulagti hain dabi chingariyan

bagh sara jal bujha lekin kahan raushan hua

chaDh rahi thi fitna-e-imroz ki debi pe bhenT

shahid-e-farda ka chehra na-gahan raushan hua