dur hain wo aur kitni dur

duur haiñ vo aur kitnī duur

phir bhī mirī nazroñ ke huzūr

ranj-o-musībat jaur-o-sitam

aap kī ḳhātir sab manzūr

dil par biite lab pe na aa.e

haa.e mohabbat kā dastūr

hasrat-e-dīd az diid buland

huur se behtar vāda-e-hūr

parda-e-rañg-o-bū to uThāo

hogā koī na koī zarūr

daur-e-taraqqī kyā hai 'shakīl'

duniyā kī aqloñ kā futūr

dur hain wo aur kitni dur

phir bhi meri nazron ke huzur

ranj-o-musibat jaur-o-sitam

aap ki KHatir sab manzur

dil par bite lab pe na aae

hae mohabbat ka dastur

hasrat-e-did az did buland

hur se behtar wada-e-hur

parda-e-rang-o-bu to uThao

hoga koi na koi zarur

daur-e-taraqqi kya hai 'shakil'

duniya ki aqlon ka futur