dur rah bhi na sakun pas bula bhi na sakun

duur rah bhī na sakūñ paas bulā bhī na sakūñ

tū vo apnā hai jise apnā banā bhī na sakūñ

ai masīhā koī tadbīr masīhā.ī kī kar

zaḳhm aisā hai ki har ik ko dikhā bhī na sakūñ

husn kī aur tab-o-tāb baḌhā detā hai

maiñ to us til kā kabhī mol chukā bhī na sakūñ

umr ke āḳhirī nukkaḌ pe mulāqāt kā dukh

yuuñ milā hai ki tire naaz uThā bhī na sakūñ

is qadar talḳh ravayya tū mire saath na rakh

zindagī meñ tujhe siine se lagā bhī na sakūñ

vo ta.alluq ko ajab moḌ pe le aayā hai

saath chal bhī na sakūñ chhoḌ ke jā bhī na sakūñ

dur rah bhi na sakun pas bula bhi na sakun

tu wo apna hai jise apna bana bhi na sakun

ai masiha koi tadbir masihai ki kar

zaKHm aisa hai ki har ek ko dikha bhi na sakun

husn ki aur tab-o-tab baDha deta hai

main to us til ka kabhi mol chuka bhi na sakun

umr ke aaKHiri nukkaD pe mulaqat ka dukh

yun mila hai ki tere naz uTha bhi na sakun

is qadar talKH rawayya tu mere sath na rakh

zindagi mein tujhe sine se laga bhi na sakun

wo talluq ko ajab moD pe le aaya hai

sath chal bhi na sakun chhoD ke ja bhi na sakun