dur tak aain nazar dariya mein

duur tak aa.iiñ nazar dariyā meñ

kashtiyāñ garm-e-safar dariyā meñ

mauj-dar-mauj thiraktī rahī raat

chāñd kī ujlī gagar dariyā meñ

ham na bhūle kabhī un āñkhoñ ko

vo charāġhoñ kā safar dariyā meñ

kis ne chupke se kahā Duub hī jā

kaun thā pichhle pahar dariyā meñ

ham kahāñ kho.e rahe der talak

dekh kar aks-e-shajar dariyā meñ

dur tak aain nazar dariya mein

kashtiyan garm-e-safar dariya mein

mauj-dar-mauj thirakti rahi raat

chand ki ujli gagar dariya mein

hum na bhule kabhi un aankhon ko

wo charaghon ka safar dariya mein

kis ne chupke se kaha Dub hi ja

kaun tha pichhle pahar dariya mein

hum kahan khoe rahe der talak

dekh kar aks-e-shajar dariya mein