dur tak phaila hua pani hi pani har taraf

duur tak phailā huā paanī hī paanī har taraf

ab ke bādal ne bahut kī mehrbānī har taraf

hādse har moḌ par haiñ ghaat meñ kyā kījiye

kis qadar arzāñ hai marg-e-nā-gahānī har taraf

jā chhupe andhī guphā meñ jo qad-āvar log the

aur baunoñ kī huī hai hukmarānī har taraf

aag ke chappū havā ke bādbāñ miTTī kī naav

aur tā-hadd-e-nazar paanī hī paanī har taraf

bebasī par apnī ḳhud alfāz hairāñ haiñ 'shabāb'

isti.āroñ ne badal Daale ma.ānī har taraf

dur tak phaila hua pani hi pani har taraf

ab ke baadal ne bahut ki mehrbani har taraf

hadse har moD par hain ghat mein kya kijiye

kis qadar arzan hai marg-e-na-gahani har taraf

ja chhupe andhi gupha mein jo qad-awar log the

aur baunon ki hui hai hukmarani har taraf

aag ke chappu hawa ke baadban miTTi ki naw

aur ta-hadd-e-nazar pani hi pani har taraf

bebasi par apni KHud alfaz hairan hain 'shabab'

istiaron ne badal Dale maani har taraf