elan kar raha hun ki hushiyar ek taraf

e'lān kar rahā huuñ ki hushiyār ik taraf

mā'sūm ik taraf hoñ riyā-kār ik taraf

duniyā meñ karbalā se baḌā vāqi'a nahīñ

hub-dār ik taraf hue ġhaddār ik taraf

ye kis ne aa ke sehn-e-haram meñ qadam rakhā

dar ik taraf ko ho gayā dīvār ik taraf

tū aa gayā to kaam chalā gul-farosh kā

baiThā huā thā kab se ye be-kār ik taraf

ik imtihān meñ haiñ ka.ī din se titliyāñ

phuul ik taraf haiñ aap ke ruḳhsār ik taraf

saare hasīn ek taraf jam' ho ga.e

aur ho ga.e tamām vafādār ik taraf

panDit zarā hamāre sitāroñ kā haal dekh

hai pyaar ik taraf to parīvār ik taraf

'nayyar' mushā'iron meñ jo paḌhtā hai tū na sun

rakkhe haiñ tere vāste ash'ār ik taraf

e'lan kar raha hun ki hushiyar ek taraf

ma'sum ek taraf hon riya-kar ek taraf

duniya mein karbala se baDa waqi'a nahin

hub-dar ek taraf hue ghaddar ek taraf

ye kis ne aa ke sehn-e-haram mein qadam rakha

dar ek taraf ko ho gaya diwar ek taraf

tu aa gaya to kaam chala gul-farosh ka

baiTha hua tha kab se ye be-kar ek taraf

ek imtihan mein hain kai din se titliyan

phul ek taraf hain aap ke ruKHsar ek taraf

sare hasin ek taraf jam' ho gae

aur ho gae tamam wafadar ek taraf

panDit zara hamare sitaron ka haal dekh

hai pyar ek taraf to pariwar ek taraf

'nayyar' musha'iron mein jo paDhta hai tu na sun

rakkhe hain tere waste ash'ar ek taraf