ehsas dekh pae wo manzar talash kar

ehsās dekh paa.e vo manzar talāsh kar

āñkheñ jo haiñ to bū-e-gul-e-tar talāsh kar

merā vajūd jazb huā tere jism meñ

ab mujh ko apne jism ke andar talāsh kar

tanhā.iyoñ ke gahre samundar meñ Duub jā

zaḳhmoñ ke phuul dard ke gauhar talāsh kar

terā badan to TuuT gayā vasl hī kī shab

ab aa.ine meñ ḳhud ko na din bhar talāsh kar

har dil se māñgtā hai jo taaza lahū kī bhiik

bastī meñ koī aisā gadāgar talāsh kar

maiñ thak gayā huuñ ḳhaak bayābāñ kī chhān kar

mauj-e-nasīm tū hī mirā ghar talāsh kar

dasht-e-vafā meñ yuuñ na bhaTak dar-ba-dar 'naved'

sar ban gayā hai bojh to patthar talāsh kar

ehsas dekh pae wo manzar talash kar

aankhen jo hain to bu-e-gul-e-tar talash kar

mera wajud jazb hua tere jism mein

ab mujh ko apne jism ke andar talash kar

tanhaiyon ke gahre samundar mein Dub ja

zaKHmon ke phul dard ke gauhar talash kar

tera badan to TuT gaya wasl hi ki shab

ab aaine mein KHud ko na din bhar talash kar

har dil se mangta hai jo taza lahu ki bhik

basti mein koi aisa gadagar talash kar

main thak gaya hun KHak bayaban ki chhan kar

mauj-e-nasim tu hi mera ghar talash kar

dasht-e-wafa mein yun na bhaTak dar-ba-dar 'nawed'

sar ban gaya hai bojh to patthar talash kar