ehsas-e-gham mein aaj wo yun jalwa-gar hua

ehsās-e-ġham meñ aaj vo yuuñ jalva-gar huā

rah rah ke mujh ko dil pe gumān-e-nazar huā

itnā qarīb ho ke koī jalva-gar huā

ye bhī ḳhabar nahīñ ki maiñ kab be-ḳhabar huā

guzrā hai yuuñ zamāne se begāna ho ke ishq

ġham kā asar huā na ḳhushī kā asar huā

mere qafas tak aa na sakā koī inqalāb

mujh ko to aaj tak na ġham-e-bāl-o-par huā

manzil ne chīḳh kar vahīñ āvāz dī mujhe

afsurda jis jagah mirā azm-e-safar huā

un kī nazar na mere garebāñ se haT sakī

dīvāna ho ke aaj maiñ dīvāna-gar huā

kaisī shikast-e-dil thī ki ik ik sadā ke ba.ad

ek ik hijāb uThā ke koī jalva-gar huā

ehsas-e-gham mein aaj wo yun jalwa-gar hua

rah rah ke mujh ko dil pe guman-e-nazar hua

itna qarib ho ke koi jalwa-gar hua

ye bhi KHabar nahin ki main kab be-KHabar hua

guzra hai yun zamane se begana ho ke ishq

gham ka asar hua na KHushi ka asar hua

mere qafas tak aa na saka koi inqalab

mujh ko to aaj tak na gham-e-baal-o-par hua

manzil ne chiKH kar wahin aawaz di mujhe

afsurda jis jagah mera azm-e-safar hua

un ki nazar na mere gareban se haT saki

diwana ho ke aaj main diwana-gar hua

kaisi shikast-e-dil thi ki ek ek sada ke baad

ek ek hijab uTha ke koi jalwa-gar hua