ehsas qurbaton ka dilate hue tujhe

ehsās qurbatoñ kā dilāte hue tujhe

ham Dūbne lage haiñ bachāte hue tujhe

chalte rahe nigāh meñ laate hue tujhe

aa.e haiñ ham kahāñ pe nibhāte hue tujhe

ham ko hamāre zabt pe thā hī nahīñ yaqīn

so ro paḌe gale se lagāte hue tujhe

har baar koī chiiz tū jaatā hai toḌ kar

so Dar rahā huuñ ḳhvāb meñ laate hue tujhe

kūza-garoñ ne aaj mujhe ye diyā javāb

ham thak chuke haiñ dost banāte hue tujhe

aa paas mere mil ke manāte haiñ us kā sog

haarā huuñ maiñ bhī dost harāte hue tujhe

ehsas qurbaton ka dilate hue tujhe

hum Dubne lage hain bachate hue tujhe

chalte rahe nigah mein late hue tujhe

aae hain hum kahan pe nibhate hue tujhe

hum ko hamare zabt pe tha hi nahin yaqin

so ro paDe gale se lagate hue tujhe

har bar koi chiz tu jata hai toD kar

so Dar raha hun KHwab mein late hue tujhe

kuza-garon ne aaj mujhe ye diya jawab

hum thak chuke hain dost banate hue tujhe

aa pas mere mil ke manate hain us ka sog

haara hun main bhi dost haraate hue tujhe