ehtimam-e-KHas-o-KHashak se behtar to nahin

ehtimām-e-ḳhas-o-ḳhāshāk se behtar to nahīñ

ḳhil.at-e-arsh mirī ḳhaak se behtar to nahīñ

ik nazar dekh mire dil kī taraf jān-e-murād

aa.ina sīna-e-sad-chāk se behtar to nahīñ

kyoñ sitāre mire qadmoñ kī taraf dekhte haiñ

ye zamīñ ālam-e-aflāk se behtar to nahīñ

tahniyat jubba-o-dastār kī azmat ko bahut

ye qabā dard kī poshāk se behtar to nahīñ

tishnagī abr-e-siyah ko lab-e-hasrat se na dekh

ye ghaTā dīda-e-namnāk se behtar to nahīñ

ehtimam-e-KHas-o-KHashak se behtar to nahin

KHilat-e-arsh meri KHak se behtar to nahin

ek nazar dekh mere dil ki taraf jaan-e-murad

aaina sina-e-sad-chaak se behtar to nahin

kyon sitare mere qadmon ki taraf dekhte hain

ye zamin aalam-e-aflak se behtar to nahin

tahniyat jubba-o-dastar ki azmat ko bahut

ye qaba dard ki poshak se behtar to nahin

tishnagi abr-e-siyah ko lab-e-hasrat se na dekh

ye ghaTa dida-e-namnak se behtar to nahin