jaan-e-jaan kahoge nan ashk ponchh loge nan eid par miloge nan

jān-e-jāñ kahoge naañ ashk poñchh loge naañ eid par miloge naañ

in udaas āñkhoñ meñ ḳhvāb tum bharoge naañ eid par miloge naañ

vaqt kis tarah guzrā chāñd kis tarah utrā furqatoñ ke mausam meñ

in sabhī savāloñ ke tum javāb doge naañ eid par miloge naañ

fāsle jo aa.e haiñ kitne ġham uThā.e haiñ ġhair muskurā.e haiñ

haath thaam kar mere sab gile sunoge naañ eid par miloge naañ

dil meñ vahm paltā hai jaise ḳhvāb jaltā hai dil kahāñ sañbhaltā hai

jaañ yaqīñ dilāo tum mere hī rahoge naañ eid par miloge naañ

tanhā chāñd se mujh ko be-bahā mohabbat hai haañ milan kī hasrat hai

chāñd-rāt ko 'nayyar' chāñd tum banoge naañ eid par miloge naañ

jaan-e-jaan kahoge nan ashk ponchh loge nan eid par miloge nan

in udas aankhon mein KHwab tum bharoge nan eid par miloge nan

waqt kis tarah guzra chand kis tarah utra furqaton ke mausam mein

in sabhi sawalon ke tum jawab doge nan eid par miloge nan

fasle jo aae hain kitne gham uThae hain ghair muskurae hain

hath tham kar mere sab gile sunoge nan eid par miloge nan

dil mein wahm palta hai jaise KHwab jalta hai dil kahan sanbhalta hai

jaan yaqin dilao tum mere hi rahoge nan eid par miloge nan

tanha chand se mujh ko be-baha mohabbat hai han milan ki hasrat hai

chand-raat ko 'nayyar' chand tum banoge nan eid par miloge nan