ek aaina ru-ba-ru hai abhi

ek ā.īna rū-ba-rū hai abhī

us kī ḳhushbū se guftugū hai abhī

vahī ḳhāna-ba-dosh ummīdeñ

vahī be-sabr dil kī ḳhū hai abhī

dil ke gunjān rāstoñ pe kahīñ

terī āvāz aur tū hai abhī

zindagī kī tarah ḳhirāj-talab

koī darmāñda aarzū hai abhī

bolte haiñ diloñ ke sannāTe

shor sā ye jo chār-sū hai abhī

zard pattoñ ko le ga.ī hai havā

shāḳh meñ shiddat-e-numū hai abhī

varna insān mar gayā hotā

koī be-nām justujū hai abhī

ham-safar bhī haiñ rahguzar bhī hai

ye musāfir hī kū-ba-kū hai abhī

ek aaina ru-ba-ru hai abhi

us ki KHushbu se guftugu hai abhi

wahi KHana-ba-dosh ummiden

wahi be-sabr dil ki KHu hai abhi

dil ke gunjaan raston pe kahin

teri aawaz aur tu hai abhi

zindagi ki tarah KHiraj-talab

koi darmanda aarzu hai abhi

bolte hain dilon ke sannaTe

shor sa ye jo chaar-su hai abhi

zard patton ko le gai hai hawa

shaKH mein shiddat-e-numu hai abhi

warna insan mar gaya hota

koi be-nam justuju hai abhi

ham-safar bhi hain rahguzar bhi hai

ye musafir hi ku-ba-ku hai abhi